香港迪士尼全新萬聖節期間限定設施 - The Nightmare Experiment.
故事講述一名怪異教授嘅最新實驗, 可以帶領參與者穿越一個又一個疑幻似真嘅夢境... 不過.... 似乎呢個實驗嘅夢境都係惡夢...
官方公佈呢個實驗嘅「夢境」世界包括: Dr. Facilier (Princess and the Frog), 海盜監獄 (Pirates of the Caribbean), 阿薛嘅玩具箱 (Toy Story), Mad Hatter (Alice in Wonderland) 等.
從發佈嘅宣傳圖亦發現呢座實驗室大樓嘅窗揭示咗呢幾個故事.
今次係香港迪士尼回歸Disney style 嘅首個萬聖節活動, 喺過往黑色世界嘅驚嚇鬼屋同迪士尼風格之間取個平衝. 到底會係點呢?
率先體驗過呢個設施嘅朋友表示, 「詭夢實驗室」有別於過往HKDL 嘅鬼屋, 唔只係一味趕你向前行, 再加上展藝館呢個黑盒場館內嘅空間感較強可以有更多玩法, 就算喺創作上驚嚇度或者未必被作優先考慮, 但都係靚同好玩.
展藝館本身係一個多用途場地, 唔似得過往嘅鬼屋咁可以原封不動喺同一個地方等待來年活動, 「詭夢實驗室」似乎難逃被遷出嘅命運... 到底呢個設施會唔會只係2016 年限定?
今個Halloween Time, 一齊進入迪士尼嘅惡夢世界...
Search